Cincau ijo Yang Malu Bertanyp, jadi aneh bentuknyo

Cincau Hijau Yang Malu Bertanya

"Ngapo cak ini jadinyo mak ? " Tanyo ku heran:ke bunda
"Kebanyakan banyu kalu yah " Jawab bunda
"Pucuknyo sudah mulai jadi ager tapi bawahnyo banyu galo" Ujiku lagi
"Tarok di freezer bae kagek keras jugo" Uji bunda lagi.

Daun cincau ijo yg tumbuh di depan rumah daun nyo sedang lebat-lebatnyo yg dulu cuma sebatang dapat dari rumah @palem_indah sekarang sudah jadi beberapo batang, sampe daunyo masuk ke dalam teras tetanggo.

Karena cerito dari ayuk sukses buat cincau ijo, cak itu jugo nenek ini jugo sukses buat cincau ijo ini jadi bener-bener cak ager.

"Banyu nyo enak mak...." Saat ku Cubo minum banyu dari, cincau ijo yang dak jadi ini.

Banyu cincau ijo yang dingin di tambah dengan sedikit banyu dari gulo merah, jadi manis-manis segar cak itu.

Padahal kalau mbaco dari jero internet banyak manfaat nyo cincau ijo ini, untuk menurunke tekanan darah, mestabilke gulo darah, nyehatke pencernaan, ngatasi gangguan lambung dan lainnyo, yang pasti jadi ubat lapar.

"Oh cak itu mak Caronyo kalau pake blander..... " Ujiku ke bunda saat nonton video youtube cak mano caro buat cincau ijo, kareno dapet petunjuk sebelum nyo daun cincau di remet-remet bae, siapo nak ngeremet nyo kalau sudah sampai 100 lembar, kemeng jugo tangan.

"Kagek kito cobo lagi yah, pake caro di youtube ini.... Kalau daunyo sudah banyak lagi" Uji bunda
"Iyolah" Ujiku santai

Wajar kalau anak buah jingok hasil nyo bae ketawo, tapi banyu cincau ijo tetap segar dan lemak... Itu ujiku dewek kareno di rumah ini dak ado yg galak minumnyo..