Cabe Tepedes Se Palembang Anget

Foto by rumahsakitislam.com

Tau dak lor cabe yang paling pedes se Palembang anget, ini jenisnyo.... Saat mek kito, ebok kito, mbik kito.. Ngomong "kau jangan ngomong nguna-nguna /mencarut ye, kagek ku cabe mulut kau tu" Itulah jenis cabe yang paling pedes se Palembang anget.

Tapi ini cuma berlaku untuk budak yg masih kecik bae kalau yang tuo masih ngomong nguna-una artinyo katek agok mamang tu.

Dulu kalau masih kecil saat kito ngomong sebasingan omongan di pucuk bakal metu dari wong lebih tuo dari kito, apo lagi kalau kito dak mempan di tegah cabe pirik bakal masuk di mulut di tambah batu pirikannyo bakal ngentak palak.

Kareno tujuan wong tuo dulu bagus biar kito bekato sopan santun dan beradab, idak barbar, apolagi wong Palembang di kenal dengan tata krama yang sangat bagus.

Pernah tejingok budak kecil yang di suapke cabe pirik oleh nenek nyo gara-gara ngomong mencarut, tejerit-jerit budak tu sampe jero.

Pedesnyo dak seberapo malahan masih pedes cabe mamang model yg galak lewat depan rumah, tapi kalau mulut sudah keno cabe pacak jadi uyokan sampe tuo.

Mangkonyo ngomong jangan galak nguna-una/mencarut apo lagi kalau sudah tuo.