Gulo palu, Gulali Palembang Yang Susah Di Cari

Foto by mangcekdidin.blogspot.com

"Bik, beli gulo palu" Uji ku ketempat bibik yg jualan gulo palu, tempat dio itu ado jugo jualan model samo es hoya.

Langsung lah bibik itu be cepet dengan kayu pendek di tangannyo ngambek gulo palu biar lengket di kayu.

"Nah" Uji bibik tu

Kuambek gulo palu bewarno coklat itu sambil ngejukke duit 50 piah, tinggal nguli/menguleni bae biar pacak jadi keras gulo palunyo.

Gulo palu ni sebenarnyo pacak di makan sekndaknyo, yg sdh diuli jadi, setengah uli atau pas habis beli jugo pacak langsung di makan.

Tapi nurut aku yg lemak itu kalau sudah diuli,jadi keras cak permen, kami dulu galak lomba nguli gulo palu siapo yg duluan masak dio pacak nyicipi punyo yg kalah. Lemak kalau nyicipnyo di gigit bae ini sampe di jilat nyo, kalau kawan yg penjijik lokak dak temakan lagi dengan gulo palu itu.

Gulo palu banyak ragamnyo ado yg di buat dari gulo abang jadi warnonyo coklat atau di buat dari gulo pasir yg di enjuk pewarno jadi pacak jadi warno ijo, abang, biru, kuning genteng, abang jambu dan bemacam warno lainnyo.

Seni ngulinyo/nguleninyo ini pasti jadi kenangan budak 80-90an ulian jadi agak encer sampe ado sensasi agak panas di jari bertando gulo palu itu nak masak.

Tapi sekarang sudah susah nyari wong yg jualan gulo palu, palingan cuma sikok duo itupun dak tiap hari jualan. Kareno kepacakan untuk buat gulo paku ini, jugo mungkin dak lagi di turun ke untuk anak cucung karena nganggap makan sikok ini cuma untuk maenan budak.