Namo Makanan Yang Ambigu

Peler Kambing foto by cockpad

Kalau sekilas tedenger pastilah buat kito bedesau apolagi kalu omongan kotor itu di sebutke di daerah lain.

Tapi cak mano kalu barang yg benamo kotor itu makanan pecak "Peler Kambing" di Palembang (Gbr 1), makanan dari adonan pisang yang di goreng ini pacak jadi sarapan pagi atau makan Sore samo kopi, entah ngapo namonyo jadi peler kambing apo kareno bentuknya entah lah.

Kato Alm Ustad Taufik Hasnuri "Namonyo sudah cak itulah sejak jaman nyai ku, dak usah di ubah lagi karno ado kawannyo " Tahu Bunting" Buat yg denger ceramah tekakak.

Retinyo peler kambing ini jugo makanan khas yang ado di Kaltim, Jambi, Bangka Belitung jugo Lampung. Ado wong yg agak sopan ado yg nyebut makanan ini "godo pisang"

Foto by fooddetik

Dulu saat ke Jakarta saat sempat bejalan kareno ado festival tahunan, tejingok makanan sikok ini "Peler Bedebu", makanan dari ubi jalar ini yang berisi gulo merah yg betabur kelapo mirip nian cak kelepon cuma agak lembek, entah kenapo di namoke cak itu.

Saat ke festival saat itu lagi penobatan untuk destinasi wisata sebagai 10 bali di Indonesia salah sikok yg di tampilke iyolah kuliner nyo.

Tolpit Foto by Travelingyuk

Tahun 2019 saat ke sempet ke tempat wisata bantul (Pantai parang tritis, gumuk pasir parang kusumo dan lain-lain) jugo sempat di tawari dengan makanan "Tolpit/Kontol Kejepit".

Awalnyo pedagang nawarke dagangan nyo kue ardem tapi saat driver cerito namo aslinyo aku nyenge dak ke lemak an bae, apolagi ado anak buah di dekat kito.

Pas aku jingok sebenarnyo makanan ini lebih mirip cak kelamin betino, tapi namonyo ngapo cak itu, tapi soal raso makanan yg beraso manis legit yg terbuat dari tepung cair yg di jepit di sumpit saat di goreng.

Kokam Foto by Malangtimes

Saat ke Kota Malang awal tahun 2020, ado jugo yang nawarkan makanan ini dan sempat mencicipi "KOKAM/Kontol Kambing" Lucu jugo namonyo, kito cuma pacak nyengir bae dengernyo.

Makanan yg katek kaitan dengan kelamin Kambing ini terbuat dari kacang hijau & kacang tolo yang berbalut tepung, mungkin kareno bentuknyo cak alat kelamin singgo Kambing yg jadi Kambing itam.

Itulah salah sikok keragaman kuliner Indonesia, namo aneh-aneh yg buat kito terkadang tesenge, tapi soal raso sangat beragam.