 |
| Foto by Facebook |
"Cepat dikit jok... Kagek la mulai brama kumbaranyo" Kato kawan sambil becepet keluar dari langgar."Santai jok... " Kato aku sambil ngiringi dio.
Sarung yang kami ikat di pinggang dan peci yang masih ada di kepala, bergegas kami menuju ke tempat pemutaran layar tancap.
Akhirnyo kami beceoet jalan biar cepat sanoe ke tempat mutar layar tancap, tejingok ado kawan yang bawak tiker ;
"Lapang jok kau bawak tiker" Uji ku.
"Biaso jok biar lemak duduk" Uji kawan ku itu.
"Pacak lah numpang jok kagek...." Uji ku sambil tesenge
Kawan tu cuma negok ludah bae, kareno yg nak melok wong 4.
Akhirnya film di putar layar putih yg di tembak dengan cahyo film membuat kami sejenak diam, film saur sepuh atau brama khumbara yg di puter.
Seru jugo nonton rami-rami walaupun film yang di tonton ini sudah berapo kali, angin malam yang betiup buat suasana jadi sejuk, Otomatis mato jadi kecik kareno dak ado yg tiduk siang.
"Kito numpang tiker kawan tu bae yok... Cak lemak dio duduk di sano" Ujiku
"Jadi" Uji kawan yg lain.
Jingok kami datang be enpat kawan tu cak nyo ketar ketir,
"Jok... Numpang ye" Ujiku cak gaya preman
"Lajulah jok" Uji kawan tu ketakutan.
Lemak duduk.. Makin lamo kami makin bekuaso, akhirnyo kawan yg punyo tiker pun ngomong
"Jok.. Aku nak kencing dulu ye"uji kawan tu.
Sambil pegi kawan tu dak balik-balik lagi.
Krn tikartu kosong akirnyo kami nonton sambil nguling, angin yang malam yg sejuk becampur embun membuat kami jadi damai.
" Dek bangun.. Ngapo kamu tiduk di sini " Kato wak yang melintas di lapangan itu.
Sambil ngusuk mato "habis wak ye layar tancap nyo? " Ujiku
"Layar tancap apo dek?, mano ado layar tancap.." Jawab wak itu
"Balek lah kagek di cari mak kamu " Uji wak itu lagi.
Kami sambil bengong, saling jingok sikok samo yg lain... "Jadi yg kito tonton semalam apo dio? " Tanyo ku ke kawa
Sambil jingong tikar tempat kami tiduk sudah jadi daun yg lebar-lebar.
"Lari.......,. " Uji ku sambil lari.
"Dek.. Jalan bae jangan lari igo kagek campak" Pekik wak itu.
"Setan".. Pekik kami lagi
Retinyo wak itu dak tau kalau malam tadi ado layar tancap di situ maklum lah secaro balik dari manda, pegawai tambang, tapi yang kami bingung kapan-kapan kawantu narek ke klaso nyo itu sampe kito dak beraso laju tiduk di pucuk daun yang libar-libar untuk bukan daun batang rengas, lokak maen gitar di badan.
"Kito datangi jok budak yang narek klaso kito semalam.. biar kito tanyo cak mano nian" sambil nggas kawan tu ngajak becepat.
Ku pikir dalam ati..."klaso-klaso siapo.... punyo siapo ngapo kito nak ngeggas jok".....
Tapi laju tepakso ngiring kawan ini biar gas nyo agak redo sedikit... hheheheh.
No comments:
Post a Comment