Pepes atawa Pipis.

Foto by Facebook

"Jok... Alangke keciknyo pepes yg kau bawak ini jok" Uji kawan tu sambil bukak kantong asoy hitam yg ujinyo berisi pepes.

"Dak tau jok.. Aku asal ambek bae jualan mak aku" Uji kawa tu.

Kami tu cuma jingoki makanan tu pendek nian setengah dari pepes biasonyo, bauknyo jugo idak pecak bauk pepes ubi atau pepes ketan item, pas di bukak...

"Jok ini ni nago...yg kau ambek ni.... " Uji kawan tu

"Biji kau nago.... Itu tu nago sari jok.... Kalau dak galak balek ke lagi" Uji kawan tu sambil merajuk.

"Galak jok... Merajuk lah itunkau ni" Uji kawan tu.

"Ini nah kalau nak pepes, ibuk tadi buat banyak, di suruh bebage... Tapi ini pepes ubi" Ujiku sambil ngenjuke bungkus plastik item berisi pepes.

"Nah cocok... Laju nian ado pepes ado nagosari" Uji kawan yg lain untuk kami makan samo-samo di markas ngerupoke kayu besak di lapangan di tutupi daun bambu, bealas klaso yg dak tepakek lagi.

Memang ladas makan rame-rame walaupun tempat agak kotor dikit dak jadi masalah, dak perlu itungan menit tumpes pepes samo nago sari tu.

"Jok aku nak pepes..... "Uji kawan tu sambil pegang celano dio

"Sudah abis jok... Tinggal lokak cari banyu minum.. Keset" Jawab kawan tu.

"Bukan jok...nak pepes ini" Uji kawan tu sambil nunjuk burung dio.

"Oh...nak Pipis....sebut bae kenceng... Betakoan pulok... Pipis... Pipis" uji kawan yg lain

"Kenceng.. Lah agak jauh dikit... Di paret tu... Jangan kau kencengi lagi markas kito ni cak kemaren... Bau jengkol kenceng kau tu"... Uji kawan lainnyo

" Rewangi jok... Ngeri"uji kawan tu sambil pegang celananyo

"Waya-waya siang ini takut kau ni cak betino bae" Uji kawan yg lain.

"Biarlah aku yg ngerewangi.... Untung kau ni bawak nagosari tadi ni... Lemak pulo" Ujiku

Sambel jalan bareng dio yg makin kuat megegangi celano

"Lambat bae jok.... Biar dio tekencing di celano" Uji kawan lain sambil tekakak galo.

Baru tau ceritonyo ngapo kawan lain dak galak ngerwangi, kalau kawan-kawan ini pernah di siram emak nyo dak lamo kejadian pintu lepas gara-gara kedondong mengkel (Baco : Kedondong & Engsel pintu https://www.instagram.com/p/CTqb8ZGPNg3/?utm_medium=copy_link)

#palembangdalamsketsa

#beceritogayakulo