 |
| Foto by WAG |
Dengan PD nyo make sepatu warrior yang dak di cuci-cuci di bagian belakang nyo di pijak, maklum jok secaro anak baru lulus SMA.
Rambut baru mulai gondrong, beseser idak, turun dari bus kota nak ke IP raso paling ganteng dewek.
"Kito ke mano jok? " Tanyo ku ke kawan sebelah
"Kito nongkrong di pucuk bae es.... Sambil main dingdong" Uji kawan tu
Paslah itu duit di kantong aku sisa 10 ribu, di kawan lain pasti ado jugo bawak duit pacaklah maen dingdong atau bom-bom car ujiku dalam hati.
Kawan be 3 lainnyo make sendal galo idak cak aku make sepatu warrior yg benang nyp sudah banyak beleber kareno koyak.
Dari kenal pertamo kali make sepatu ini di zaman SMP saat melok Pramuka lanjut ke SMA yang jugo masih pake saat kegiatan Pasus sekarang disebut paskibra, karena dulu nak pake sepatu PDH agak saro, tetapi nak akhir kelas 3 PDH mulai dipake untuk pertandingan sedangkan warrior untuk harian, secaro kito agak cekak laju nyari sepatu PDH ke samping gedung Jacob van den Berg deket bekangdam Sekanak.
Sepatu warrior ini memang tahan banting, uji kawan tu sepatu segalo medan, basah, kering, hujan, becek laju galo.
Jadi kalu berdasarkan pengalaman kalau sepatu warrior di pake oleh lanang model cak kami ini cuma tahan se tahun bae dan harus ganti baru lagi, biasonyo mintak ganti pas masuk sekolah biar baru.
Ado jugo yg KW nyo sepatu warrior ini, biasonyo dijual di emperan 16, tejingok KW dari logonyo, warno dasar nyo kalau di pake lis nyo cepat lepas cak itu jugo logo bunder dan logo petak di karet bawah, jugo besi lubang tali cepet nian lepas, singgonyo cepat rusak.
Lewat eksalator dari lantai pertamo, aman bae maseh pecak petantang-petenteng, tapi pas naek eskalator lantai kedua kareno sepatu warrior yg di pijak belakangnyo ngelewer akhirnya tanggo bejalan itu di sedotnyo dari belakang,;
"Lepasi dek... Lepasi kagek kaki kau tesedot pulo" Pekik kakak di belakang ku
Setengah panik aku narik kaki aku ke belakang, alhamdulillah kaki masih selamat sempet tejingok sepatu warrior sebelah kanan di isep abis oleh eskalator IP.
"Pucet kau jok" Kato kawan sambil nyenge
Aku cuma nyenge bae nahan cemas
"Tolong beliki sendal di pucuk jok" Ujiku sambil ngenjuke duit 10 ribu tadi.
"Ukuran berapo jok? " Tanyo kawan tu
"41 kalu" Ujiku
"Yang pasti jok"uji kawan tu lagi
" Cak itulah jok.... Lupo suudah lamo dak beli sendal " Ujiku lagi
"Iyolah..... Rewangi aku sikok jok"uji kawan tu sambil naek eskalator ke lantai pucuk.
Kawan sikok ngerewangi aku, cuma cewek tukang CD bajakan bae cak nyenge-nyenge nyingoki kami.
"Buang lah jok sepatu sebelah kau ni.... " Uji kawantu
Ku jingoki sepatu itu, ku punguti dan ku buang di tempat sampah stenlis steel di deket tanggo bejalan.
"Yang ikhlas. Jok, Cak dak ikhlas itu" Uji kawantu
"Ikhlas jok... Cuma laju di jingoki wong dak besendal ni" Ujiku cuma pacak nyenge kudo bae.
Dak lamo betungguan, akhirnyo kawan yg di suruh beli sendal datang jugo;
"Nak jok... Sendal bagus merek tekini" Uji kawan sambil ngenjuk kantong asoy nyo
Ku bukak merk nyo zando warno merah dan ku jingok ngpo cak agak kecik ini sendal ini.
"Cak ke kekecilan jok? " Tanyo ku
"Idak jok pas itu" Uji kawan tu
Pas di cobo memang kekecikan cak 2 jari jadi tumit belakang gantung di ujung sendal.
"Apodak ujiku jok kekecikan.... Laju cak wong malen sendal dari masjid bae. Mano merk nyo jando pulok" Ujiku
"Zando jok.......Itu paling murah jok." Uji kawan sambil ngasih sosokan 2 ribu.
"Sosok duo ribu.... Ongkos kau balek sibu kito pacak maen sibu" Uji kawan tu sambil nyenge
"Jadilah pacak maen 10 kali dingdong" Uji nyo lagi.
Sampe di lantai 4 kami maen dinggong berapo kali akhirnyo abes jugo duit kami.
"Kito makan ke SM bae jok" Uji kawan nawarke
Saling toleh sikok samo lain, dalm ati "cair kawan ni" akhirnyo omongan andalan kito keluar ke;
;jadi jok..... Make duit kau dulu. Kagek diganti "uji kami sambil senyum model anjing
Kawan ni sudah kenal nian siapo kami jadi dak masalah dengan dio;
" Jadi... Nak nambah jugo jadi"uji kawan tu
Pecak dapat angin surgo, kami raso pengen nganjok dari lantai 4 ke bawah, walau sendal cak boleh maling di musolah, tapi sari mulya menjadi pelipur lara. 😅😅😅😅
Foto by WAG
No comments:
Post a Comment