Tips Dari Kamek

Ngesak nian raso ati saat PC rusak karena idak kuat nahan mati lampu terus, padahal sudah di pasangin ups (ujung nyo baru tahu kalu upsnyo jugo bemasalah) . Hardisk wd 750 gb pun ikut jebol untung lah foto-foto keluargo dari tahun 2008 masih pacak di selamatke kareno di backup di tempat lainnyo jugo.

Tapi foto-foto blog saat itu jadi banyak yg ilang terutama foto tempo dulu habis dak bebekas, saat itu kejadian di tahun 2013 di mano sedang aktif nian ngeblog.

Ini di taun 2021 awa, pecak dapat kado tahun baru bae, kejadian itu terulang lagi hardisk seagate 2Tera datanyo hilang dak bebekas kareno laptop yang ku pakai ikut mati mendadak, raso nak tenangis... Foto keluargo dari tahun 2008 habis, data berapo perusahaan jugo habis, untung saat di urus garansi hardisknyo masih panjang, jadi hardisk 2tera nyo di ganti baru oleh pihak seagate, tapi isinyo tetap be ilang, nasib... Nasib.

Memang untuk backup data kito pecak foto-foto atau dokumen penting lainnyo, harus mempersiapke tempat penyimpanan yang bagus nian, lemak cak saat ini sudah ado sistem penyimpanan secaro online pecak cloud atau google Drive atau tempat penyimpanan data online lainnyo.

Untuk hardisk external masih jadi salah sikok pilihan saat ini walupun sudah ado ssd yang jauh lebih besar kapasitas penyimpanan nyo. Kareno penyimpanan secaro manual jugo masih banyak di gaweke saat ini. Yang pasti beli yg ado garansi jangan cak di toko online 2tb cuma 500k .. Garansi dak ado, akhirnyo tetipu.

Mangkonyo kito enjok tips samo trik biar hardisk external kamok awet ;

1. Bagusnyo HD external kamok di enjuk sarung, biar idak langsung keno benturan, basah dll.
2. Caro nyabut hardisk external dari laptop/PC nak bener nian jangan asal, kalau nak caro detail nyo tanyo di mang cek google bae.
3. Jauhke nian hardisk kamok tu dari barang yg ado besi berani nyo samo cairan yg pacak ngerusak hardisk kamok.
4. Jangan sampe nyampak hardisk tu, kito bae tejerit kalu te campak apolagi hardisk.

Itu bae tips dan trik dari kamek