 |
| Foto by Tokopedia |
"Ngapo beber aku jadi panas jok..... Raso pedih-pedih" Ujiku ke kawan yang lagi lemak nian ngisep rokok jambu bol.
"Biaso bae jok kalu belum pernah ngisepnyo cak itulah" Uji dio sambil duduk santai dj bangunan rumah sakit yg belum jadi.
Gawe kecil dulu pas zaman SD belajar merokok pake rokok jambu bol, maklum lah zaman itu rokok itu paling murah cuma 250 piah sebungkus.
Kawan cak santai nian dio merokok, pacak lah ahli nian, sedangkan kito tebatuk-batuk sampe beberapa raso pedih. Tau dewek lor... Rokok jambu bol ini keder nian susah ngisap nyo.
Nak merokok ini tahan ngandon jauh-jauh sampe ke tugu jambu bol di nusa indah dekat dengan masjid agung biar dak di jingok wong tuo, duduk di bawah nyo sambil ngisap rokok jambu bol tadi.
"Ai... Jok, nambah pedih beber aku," Sambil buang ke rokok yang masih siap setengah batang.
"Nyambung lagi jok..." Uji kawantu sambil ngenjukke bungkusan rokoknyo.
"Jadilah jok ngelupas beber aku lantak setuo itu" Ujiku
"Namonyo jugo belajar jok" Uji kawan tu lagi.
Nyari rokok jambu bol dak ado lagi saat ini sejak perusahaannyo bangkrut, kalaupun ado di jual di online itupun rego nyo sampe 500 ribu piah perbungkua. Samo cak tugu jambu bol yang ado di nusa indah Palembang yang jugo sudah dak ado lagi.
Budak zaman mak ini ari mungkin dak lagi galak nak ngisep rokok model cak jambu bol ini, kalau budak kecik zaman mak ini ari belajar merokok pake rokok putih filter, yang dukung rokok itu bae hargonyo sudah 700 piah per bungkus.
Ku jingoki budak yang ngendap-ngendap di belakang warung kosong, retinyo mereka ni belajar merokok.
"Ngapoi kamu ni, ku kasih tau emak bak kamu ye " Kejutan omang ku
"Idak kak... Kami cuma ngerokok bae" Uji mereka geger.
"Lajulah... Santai bae dek asak kamu jangan nyimeng bae" Uji ku lagi.
No comments:
Post a Comment