7 Up (7 ulu Palembang)

 

Foto by kabarsidia.com

"7 ulu palembang dek singkatannyo" Uji kakak-kakak bujang tanggung sambil terkakak saat kutanyoi singkatan 7up.

"Iyo, dek di produksi di 7 ulu sinilah" uji kakak-kakak bujang tanggung lainnya sambil tekakak nambah kuat.

Untuk bbudak kecik yang maseh beumur 6 tahun aku cuma pacak nangguk bae, ngiyoke apo yang di katoke oleh kakak-kakak bujang tanggung itu, tapi effek nyo sampe lamo bahwa 7up itu memang buatan 7 ulu sinilah.

7up bgerupoke salah sikok dari minuman ringan yang tekenal di era 80-90 an, di mano wong jaman itu apolagi di kota Palembang pasti tau nian dengan minuman yang sikok ini, samo tekenalnyo cak minuman sugus, saparela , es hoya atau sirup orson yang kalu nak lebaran barang ini pasti banyak di meja-meja jero ruang tamu.

Tapi lamo-mao apo yang ku tau tentang minuman 7up ini berubah total apolagi banyak informasi yang ku dapet dari baco, ternyato softdrik 7up ini ngerupake barang dari produsen minuman tekenal benamo Pepsi.

Minuman yang sudah ado sejak tahun 1929 dan masuk ke jero Indonesia sejak era tahun 1940, dengan adanyo kerjasamo joint venture antaro PepsiCo Amerika Serikat dengan Indofood CBP Sukses Makmur Indonesia yang negake pabrik di Purwakarta, Jawa Barat. Selain beken minuman 7 up, pabrik ini juga beken minuman Pepsi, Mirinda, Gatotade, teh kita, Tropocana Twister samo frutamin.Tapi sejak Oktober 2019 Pepsi dak lagi produksi seluruh barangnyo, terkait dengan habisnyo kontrak dengan pihak principal nyo.

Minumannyo memang sudah ilang alias dak ado lagi, tapi terkadang di kepalak masih bae melintas kato-kato "7 ulu Palembang" apolagi saat jingok botol kosong atau kaleng yang ado logo 7up nyo.