Agustusan Dak Seru Tanpa Bidar & Telok Abang.

 

Foto by Kompas

Teraso lamo nian naik angkot ini, padahal cuma nak ke pangkal ampera, nunggunyo sudah lamo pas naek jugo Lamo jugo, maklum pemikiran budak umur 7 tahunan.

"Lamo nian yah?" Tanyoku ke ayah yang duduk di sampingku.

"Denget lagi" Kato ayah sambil tersenyum,

padahal kejingokan keringat di dahi beliau kalau di angkot ini panas tapi dak ado pilihan kendaraan lain, pas sampe pangkal ulu proyek kami pun jalan kaki karena mobil dak pacak lagi nak nyebrang penuh dengan wong nak nonton bidar apolagi di kawasan benteng dan bawah ampera, jadi angkot plaju mutar di bawah jembatan pasar 7 ulu untuk cari penumpang lagi.

Tahun 80an sampe awal 90an memang ini lah hiburan di kota ini, bidar, Pawai Pembangunan yang salah sikoknyo melintas di Jalan Merdeka dengan iringan mobil hiasnyo, dan Pameran di area taman Ria/ taman budaya sriwijaya yang saat ini sudah jadi PS Mall & RS Siloam, tapi yang sangat di harep ke oleh budak kecik cak kami yaitu "telok Abang". makanan lain ado jugo pecak telok ukan, telok pindang dan ketan sepit yang biasonyo cuma ado saat 17 Agustus+an bae.

Panas terik yang kuraso membuat aku gelisah, kulit jadi merah-merah, jaman itu kawasan benteng bukan cak sekarang, sudah tertata, dulu masih kumuh dan banyak copet jadi nak ati-ati nian.

Ayah cuman mengikatkan sapu tangan nya di kepala ku dan mengangkat ku ke pundak nyo, entah dulu kecik dak tau apo dio makna nonton bidar, tau nyo panas, banyak wong teriak-teriak, dan perahu yang belumban dj sungai Musi.

Tapi panas-panas biarlah krn balik kagek ngicer telok abang yang bebentuk pesawat, entah ini bulan tuo atau mudo bukan urusan kito.

Dan jela nian pas acara bidar selesai aku dan adek ku pun merengek minta di beli ke telok abang, mungkin krn idak setahun sekali akhirnya ayah membeli 2 buah pesawat gabus yang di hiasi telok abang.

Bidar masih di ado,, telok abang, telok ukan, telok pindang dan ketan sepit jugo masih ado di Jalan Merdeka.

Tapi Ayah tinggal kenangan manis di ingatan, Semoga engkau di tempat Allah di tempat terbaik. .. Alfatihah