Di Pantak Lele Di Kepala

 

"Aduh "jerit ku sambil megangi kepalaku

Teraso ado cairan ngalir melalui selah jari ku, retinyo kepala ini bedarah saat anak kayu pantak lele tadi ngantem kepala ku.

Kawan lain sudah besorak galo

"Ne... Kau... Ne .... Kau" Buat kawan yang nyemes pake kayu anak pantak lele laju jadi pucat jugo.

Aku jugo dak tau nak Ngapo, sampe salah sikok kawan ngajak balek kerumah, otomatis maen pantak lele jadi berenti jugo.

"Oh... Dak apo...... Cuma gompel bae dlikit, besoklah sembuh" Kato emak sambil ngenjuk obat merah.

Asli temetu banyu mato nahanke pedih nyo saat busa obat merah nempel di luko.

Memang saat sore salah sikok permainan kami saat itu maen pantak lele, selain bintang 7 bentengan, maen yeye, cak engkleng, yang di gaweke sebelum ngaji.

Walaupun permainan ini bukan cuma ado di palembang bae, di Sumatera Barat di kenal dengan Patok lele di Jawa Timur an di kenal dengan Patil Lele, walau berbeda sedikit tapi secara menyeluruh hampir samo.

Dengan menggunoakan kayu yang panjang dan pendek dengan landasan nguntal dengan bata atau lobang di tanah, dengan 3-5 wong di masing-masing piak.

Yang pertamo nguntal sejauh mungkin, tapi kalau kayu pendek nyo tetangkep lawan dio langsung dd ganti penguntal ke 2, tapi kalau idak poin yang dl dapat di hitung dari brp jauh kayu kecik itu nyampak.

Kalau menang di ronde ke satu ini lanjut pegunatal melanjutkan permainan dengan menjaga untalan kayu kecik dai kayu besak sebanyak-banyaknyo karena pengaruh dengan poin, dan yang paling bahaya ini biso di smash sejauh mungkin.Gaegara nangkep cemesan inilah kepalaku laju gompel.

Tapi mainan ini tinggal cerito dak ado lagi budak kecik yang maen permainan ini itupun kalu ado cuma sekedar festival dan seremonial bae. Kalau dulu dak ado kawan raso dak maen, beda nian dengan sekarang.

Kalah dengan hebatnyo Free Fire (FF), Mobile Legends (ML) atau dunia tiktok yang sudah mendarat di bumi.... Tapi mungkin cak itulah jalan cerito nyo.

Selamat Ulang Tahun Palembang Ke 1338 Semoga Makin Jaya.

Bioskop Mawar Sang Pembunuh Waktu

 

"Kagek jok balek... 2 film diputer ni... " Kata sohib yg duduk di sebelah ku.

"Madak i jok kito.. Sudah nonton film ini 2 x sari ni... " Jawab ku

"Caro katek gawelah jok" Jawab kawan ku yang lain.

Ikalau hari minggu dak dak gawe salah sikok jadi sasaran kami iyolah bioskop mawar, di tahun 90-an sampe awal 2000 yang merupoken titik akhir dari bioskop kecik di Palembang.

Saat itu dengan ticket sehargo limo ribu rupiah kito biso 2 film sekaligus, dan biso jugo di ulangi lagi sampe bioskop nyo tutup. Dari bauk asep rokok, keringet, di gigit kepinding, pokok nyo campur baur sampe kadang tikus lewat di antara kaki kito, yang buat penonton tejerit-jerit.

Tapi di situlah serunyo, yg nonton rato-rato lanang gao jarang nian betino melok nonton. Apo lagi sudah habis nonton langsung makan pempek rago tang jualan ttepat di tanggo turun bioskop tersebur.

Bioskop yang sudah ado sejak tahun 1950 an ini memang bukan bioskop yang tekenal nian pecak bioskop Internasional (yang jadi IP) atau bioskop panca warna ( bioskop cineplex cinde yg jadi kantong parkir) atau bioskop majestic (Jadi JM), tetapi keberadoan bioskop ini jadi kenangan dewek bagi yg pernah nonton di dalam nyo.

Vaksin Zaman SD

 

Foto by liputan6.com

Ado bae yang tejerit, nangis sampe lari dari sekolah saat di ado ke vaksin di SD dulu sampe ado yang dak galak sekolah, dari BCG, tetanus, polio, dll. Pokok nyo dari kelas 1 sampe kelas 6 ado bae jadwal vaksin tiap tahunnya, sampe ke SMP masih jugo ado vaksin.

Cuma seru bae jingok gaya kawan-kawan dulu saat nak di vaksin, jadi ketawo dewek kalau inget apolagi kalau ketemu langsung dengan wong nyo apolagi kalau dio sudah sukses dan ado jabatan.

Saat sebelum pandemi ado program vaksin di sekolah anak, yang buat kito tesenge lantaknyo, ado yang meluk tiang bangunan krn dak galak di vaksin, ado yang siru tejerit-jerit, ado yang nangis dak ado sebab.

"Kakak berani...? Kutanyo dio

" Berani yah, tapi ayah jingoknyo agak jahuan bae... "Kato kakak

Pas di vaksin kakak dak nangis itu bae di jingok dari seberang kelas nyo.

Tapi dak tau zaman mak ini ari dengan wacana sekolah tatap muko Juli 2021, apakah budak ni nak di vaksin covid jugo atau idak?